Pasatuan Kadayan Sabah - Umah Tabuka

Assalamualaikum..
Umah tabuka PKS di Sindumin.
12.09.2010 [aie aaya ka-3]
Gambaa ani di saat-saat ahiee umah tabuka atu.
Haap-haap kadayan taus maju, lebih bersatu.. tantu hala tujunya pasatuan ani..

ISLAM: Waktu Yang 5 dan Kadayan

Aie ku damit mulanya masaie ku tadangaa owang tuha nyabut waktu sambahiang 'Zohor' atu, Luhoo janya nyabut. Tapi, atu sabutan jua nganya, mun ya sambahiang di dalam niat atu kakal jua zohor luus ucapannya nakan yang niat diie yang sapatutnya. Atu tah gaya owang tuha-tuha diiee nyabut waktu yang lima.. isa, subuh, luhoo, asaa, mugaib.. luus tia itu jan ugama diiee.

I = Isa (Isyak)
S = Subuh (Subuh)
L = Luhoo (Zohor)
A = Asaa (Asar)
M = Mugaib (Maghrib)

Hantap tia luusnya ISLAM atu mun nuot uja bahasa Kadayan.

#Kadayan Banaa - maista-ista waktu yang lima#

Puhun Sabatang

Ooo.. Paanak kadayan...
Malihatkah kamu..
Nuhun puhun yang sabatang atu..
Akaanya mahunjam ka tanah..
Pucuknya malangui ka langit..
Puhun yang sabatang..
Hujan..Panas..Ibut..Taupan..
Kakal ya taguh sana.
Puhun yang sabatang..
Guuh tampaik..
Kakal ya tugal-tugal sana..

Puhun yang sabatang..
Adalah paambahan bangsa mu kadayan..
Yang taguh.. Yang kancang..
Jaan kau tantam..
Jaan ditumbang..
Hampiti sampai kandila..
Atas Kadayan umpun dama..

#Kadayan Banaa - Maista-ista puhun sabatang#

Pagalapan Mulanya

Pagalapan owang tuha-tuha mulanya aah paanak:

Ooo.. paanak picayakah kamu,

Hantap basaanya lauk tu, tumbuh piasau aah matanya..
(luus, andangnya piasau tumbuh aah matanya(tampoknya tu - ukannya aah mata lauk).

Hantap basaa kangkong tu jamu, lusiee-lusiee tikus aah lobangnya..
(luus, tikus lusiee-lusiee tu aah lobangnya jua, ukan aah lobang kangkong).

Hantap labat hujan, sahiee samalam, tiga nganya titiknya..
(luus, huup jawi 'nya' andangnya tiga nganya titiknya).

Kapal taabang malintas di bawah umah..
(luus, kapal taabang di langit, andangnya umah yg di bawah).

Ulihh hantap banaa amai dangan itoo, lainnya bajajak aah salipaa.. lainnya bajajak ahh kasut..
(luus, andangnya jua diie makai salipaa bajajak aah salipaa diie, haatinya ukannya bajajak aah salipaa dangan).

Apa yg baat, batu sapikul kah kapas sapikul?
(sama saja baatnya itoo.. nganya kapas tu banyak hautah luih sapikul).


#Kadayan Banaa - maista-ista pagalapan mulanya#

Bangkawat.. ukan kadayan.

Bangkawat..
7 tais kala mu..
Bangkawat..
Jadi titian owang kabanaaan..
Bangkawat..
Jaan ditunjuk uja owang tuha..
Bangkawat..
Di puhun malamaie..
Hilang tia nda tahu ke mana?
Bangkawat..
Kau hantap bangis..
Tapi kau ukan kadayan..
Kau ada tagal nganya..
Sadang kadayan sampai kandila..

#Kadayan Banaa Maista-ista bangkawat..

Lagu-lagu Lipurlara Anak-anak Kadayan_2

Oh ningku Salam
mbali kita binjai
binjai kaukuan
makanan owang batian
batian tiga bulan
baanak tiga haiee
baanak kan halang
halang pandai banaiee
banaiee di bahumah
umah tuan Kalanai
Kalanai miah mata
aiang matanya salautan.


Ampo-ampo bulan
Sinatok ka thailan
minjam ku pamaang
kan panatak buku buluh
kan apa buku buluh?
titian ka subaang
ba apa ka subaang?
nangkap hayam tukung
kan apa hayam tukung?
kan ubat dayang pingai
mangapa dayang Pingai?
tahantuk dagung paahu
aah mana tahantuknya?
di tundun b**
tup taupong
manambus ka subalah
taajun buhayanya..

#Kadayan Banaa maista-ista lagu kadayan#
..nganang-nganang aie damit..

Lagu-lagu Lipurlara Anak-anak Kadayan.

Assalamualaikum...
Lagu-lagu lipurlara anak-anak Kadayan zaman dahulu mungkin saja berbeza dari satu daerah ke satu daerah yang lain walaupun mereka sesama bangsa Kadayan. Lagu-lagu lipurlara ini berbeza disebabkan mungkin tidak ada rujukan khas, tidak ada penulisan, tetapi diturunkan hanya melalui lisan sebagai permainan untuk anak-anak mereka dimana waktu dahulu tiada radio, tv, mahupun majalah dan sebagainya. Lebih-lebih lagi mereka yang jauh berada di kawasan kampung dan pedalaman. Antara lagu-lagu tersebut:-

Oh ancayak mana kau tido?
Hujung padi..
Baik nda kau miang?
Miang-miang mandiku..
Baik nda kau sajuk?
Sajuk-sajuk babaju kadut ku..
Baik nda kau batuma?
Tuma-tuma ku katap..
Baik nda kau kambang liuu?
Kambang liuu ku bawa makan pinang..
Baik nda kau kakalatan?
Kakalatan ku bawa minum aing..
Baik nda kau bagah?
Bagah-bagah ku kantut akan..

(sampai kaang ani ancayak atu macam babunyi bakantut-kantut)



Lam gumalam
pucuk kaladi hitam
siapa iyuh di malam
anak aja tuun batikam
batikam lumba-lumba
batabak jauh-jauh
bakain bakasumba
basalindung pucuk pauh
Abdul di panjala
gubang panjang lima
sanggul di kapala
subang di talinga
tadung di subaang
ku hambat jan bantai
baagung bacanang
bagaak aja basaa...
????

#Kadayan Banaa maista-ista lagu Kadayan#
..nganang-nganang yang mulanya..

Wassalam.