Assalamualaikum,
Ani pantun-pantun yang ku ambil daie pisbuk ku..
Kadayan Banaa:
Sana hutan sini hutan,
Tangah2 puhun gatah..
Sana hujan sini hujan,
Tangah2 nda pulang basah..
Pena DeYan:
Di mana-mana ada hutan,
Ulah ba'amu amun bagas,
Sana sini musim pahujan,
Kan bajalan pun ku malas...
Basar Mudin:
Liau Ujan mahunja lukan
Abis ambut takanak tanah
Sini hujan nuhunpun hujan
Nyatuk damanyak kuasa ALLAH
Basar Mudin:
Bubut payau palanduk nyumpah
Ambuk tatawa malangsing langsing
Jaan dibantah kuasa ALLAH
Mun salah salah bajalan manginding
Kala Kituk:
daie ataie bubut payau,
nungu nungu luan batah,
awu..banaa tu liau,
kuasa ALLAH jgn di bantah..
=====================================================
Kadayan Banaa:
Kuduk-kuduk sieng talaga,
Akaanya ucih ditumbak baie..
Duduk-duduk di puhun tangga,
Nganangkan kasih dibawa laie...
HujAn Lalam:
Hujan hujan bilang haii,
Inda ulah ngeekk padi,
Inda ulahnya kekasih dibawa laii,
mun pakit inda pandai baisi....
Fazidah Ahmad:
Cinta suci yang ku baie,
kia kan dibawa sampai kemati,
bila kasih mu dbawa laie,
cahaie lain sebagai pengganti.
Kadayan Banaa:
Buah mampalam di dlm cuik,
Ulih mbali di kadai kina...
Kami miskin baju pun caik,
Apa jua olah dangan kan guna...
Fazidah Ahmad:
Buah mampalam dalam cuik,
bila ba gauok nda ku guna,
nda dpandang miskin babaju caik,
bila hati tu sudah guna.
Ema Halimah:
patang2 nabang gelagah,
gelagah kepunyaan cik tom,
biar tia di bawa lari bah,
bunga bkn jua sekuntum..
HujAn Lalam:
Kuntum bunga guguu dilangga nandung,
dipungut kanak2 ditauh disanggul,
bila kekasih takut ditanggung,
ikat tia dengan pemandai tangahmu jambul....
Fazidah Ahmad:
Aya Haji nda lg batah,
ada jua tu bunyi badil badantum,
jaan tuuotkan hati patah,
fazz dan Ema ni dah 2 kuntum...
Kadayan Banaa:
Ulih mbali di kadai kina,
Nda cukup sabuting mbali dua..
Mun sudah dangan nda guna,
Yang lain mangkali nyatu jua..
Ema Halimah:
masam2 cuka,
campur sama tauhu,
alum jua bjumpa,
mana jua ko tau...
Fazidah Ahmad:
Kekadai kina bali tuba,
ada kiyan tuba djual dkadai kina,
ko alum pun mancuba,
apa ulah mu tahu ea nda guna.
Kadayan Banaa:
Ka kabun ngambie maitam,
Kan pambaie amoi dan nyonya..
Ambut sama jua hitam,
Hati dangan nda tahu apa isinya..
Fazidah Ahmad:
Buah pulasan ea jua maitam,
wow...baik itu asanya,
jaan peksai ambut hitam,
taus tuju tanya kehatinya.
Kadayan Banaa :
Ka kadai hajat mbali sabun,
Salajuu jua mbali tabie..
Dangan nanam galagah di kabun,
Bini2 nanam galagah di bibie..
October 9 at 5:25pm · Like
Fazidah Ahmad:
Bali gincu pamiah bibie,
sama sabun pambasuh muha,
manis kata bini2 yg dibibie,
KB nda jua bah samuha.
Fazidah Ahmad:
Oang kabanaan mandi dsungai,
lapas mandi ambut d minyak,
nda payah lagi baca bapugai,
bawakan sj usin rm yg banyk.
Japar Osman:
Mun kasih di bawa laiee hantap mbiee kasinan,
Kasih atu hantap bangis hantap lawa,
Mun owank kadayan ngapa ya kian,
Caita inda ba usin, caita inda lawa.
Haziq Aiman Haziq Aiman:
Luih pumpun basaa jaie,
humoan kn sagang luih kali,
nda ku nangis mun kakasih kna bawa laie,,
bhunjaa yg lain asanya luih ku lagi.
Leez Zha:
jangan diucap kadayan inda lawa,
muhanya putih baasih basaie,
kasih mu atu luan hantap lawa,
inda hayan mun kana bawa laie...
Haziq Aiman Haziq Aiman:
Puhun mampalam puhun ambutan,
tanam sama puhun nanka,
bini2 aini mata duitan,
muha pbaik lawa nda beusin nada yg guna.
Fazidah Ahmad -Aiman:
♥gatah nangka gatah pulutan,
makan mampalam dikaki lima,
caita pasal mata duitan,
mana bini bini dan laki laki dua kali lima♥
Fazidah Ahmad -Japar:
♥Sadaa die ku nda lawa,
haap di lihat baiknya hati,
disabut nda bausin dan nda lawa,
kali mamanuhi kapuasan hati.
Lamat Jaafar: KB..
Jaan ditabang puhun pulaie...
banienya lebaa babais-bais...
amun kakasih dibawa laie...
bahunjaa lagi yg labih bangis...
Lamat Jaafar:
Awal patang nunu palita...
bandangnya kuning nampak di cawan...
pasal usin banyak caita...
asal kawan menjadi lawan.
Kekwa Jutawarna:
Nini Lijah minta kalakati..
mahunja suluh sieng baunti...
Jangan dilayan asanya hati...
patah tumbuh hilang baganti...
Kekwa Jutawarna:
Mbuat aing kan bahata..
aing saabat tacalap jaie..
mun kakal malihat muha dan haata..
dausah tia dibubut mun ia laie...
Kekwa Jutawarna:
kuduk2 kan ubat luka...
adih..sauwangku nganya kaaaa?
Lamat Jaafar:
Jalan samak ahienya lati...
sangal bajalan duduk baanti...
apa dipikie manyusah hati...
hilang sauang sapuluh mari...
PenNa DaNau:
Amun selasih ukannya sesaie,
Asanya bida jual bakati,
Biya tiya kekasih dibawa dangan laie,
Patah tumbuh hilang baganti....
Haziq Aiman Haziq Aiman: Fazidah Ahmad..
Buah mampalam buah mangusta,
jual buahnya d pasaa mingu,
mun laki2 sma bni2 2×5,,
aku nda tmasuk dlm gulungan miatu...
Mohd Saiful Rizal Amlih:
Singsing baju sampai ke langan,
Kaang kamah payah disasah,
Usai usai bahunjaa kan dangan,
Tapilih yg gauk mangkali diee susah...
Lamat Jaafar:
Aing tanang banyak buhaya...
buhaya basusun jalan balumak...
amun mangana gaya asuhnya...
palanduk liaa manjadi ginak...
Fazidah Ahmad: Aiman..
♥Kaas banaa delima batu,
ambil pisau buat mambalah,
mun jujuo ko nda miatu,
sukuo thah Alhamdulillah.
Mohd Saiful Rizal Amlih:
Pingan kamah baik di basuh.
Mikul aying inda tabala.
Kaabau sekandang senang diasuh.
Anak sawang manjaihi kepala.
Lamat Jaafar: saiful...
Sanggul bunga atas kepala...
bangis dipakai si anak dara..
anak satu inda tabala...
angkat tia lagi mun balipat ganda.
Mohd Saiful Rizal Amlih:
Api taabang ditunjuk gugoo.
Abis pajah segala lacut.
Puas sdhku jamu managoo.
Kadang kadang saba bahacut.
Haziq Aiman Haziq Aiman: Fazidah Ahmad..
Pagi2 mkn bubuu,
bubuu d mkn kampung subalah,
tani hidup misti lah jujuu,,
badusta tu tuhan kan maaah.
Lamat Jaafar: saiful...
Luuhnya banyak buah baangan,
simpan mari di dalam sangkaa...
tagoo nasihat baanti jangan...
asalnya babal menjadi pintaa.
Mohd Saiful Rizal Amlih:
Humbut bangkala andang batangal.
Mun inda pandai mudah balataa.
Maah bakunyayang nda diee sangal.
Asa diee kan nyuuh ia pintaa.
Lamat Jaafar:
Hayam sigun matuk badiri...
tajinya tajam umpama duri...
aku badudun singgan di sini...
ada piluang bejumpa lagi.
Dullah Ibrahim:
Susun bantal mahalintang tilam,
supaya muat limpang bajanjaa...
mohon ampun unjuk ku basalam,
bulih kah ku kamaie hajat kan blajaa ?
===================================================
Kadayan Banaa:
Kapal basi lantik ngulading,
Kalakati gugoo dlm paahu...
Patah basi dapat di welding,
Patah hati diie nganya yg tahu...
Belais Misi Umpan:
buung murai cium merpati,
bedua duaan d atas titi,
patah hati jgn d ikuti,
unjaa bahau yg baie sanang hati.
Kadayan Banaa:
Limbak sudah si mantahaie,
Duduk dahulu di atas batu..
Sapuluh ganti dpt dicahaie,
Dada sama dgn yg satu..
Tatit A'ong:
Patah kayu..pulak lambiding..
Nyubaang pait..tahindik baung ba iting..
Patah basi andangnya bawilding..
patah hati..lantak ah dinding..
Belais Misi Umpan:
tahan kayu kulimpapa,
nda dapat d pukat mcm mukat ikan,
mungkin nda sama nda serupa,
tp itu lah yg terbaik allah berikan.
Chik Ameq Azhar:
Utik kibin makanan kaling
Anak sarigai manjadik rajak
Kalau d tuut nafsuk kasinsing
Mundak matik menjadik gilak.
Tatit A'ong:
Buluh baloi mangga manila..
Ambil buluh juluk mambangan..
Jan luan di tuuti asa...
Mudah die kambang kambangan..
Bilalang Imba:
Malas asangku njuluk mambangan
Takana gatah takut ku unduu
Malas asangku kan kambang2an
Mangkali kaang dangan pahit liuu.
Tatit A'ong:
njuluk mambangan..
Malabuk sabigi luus ah tundun..
Jan bana ko kmbangan kambangan..
Mbaie watie ko jaih ulih pabinian..
Bilalang Imba:
Mun sdh mulih simbat kan jangau
Ayee ngambil d gigit lintah
Nganya jaih inda ku ingau
Tapi ku takut banyak yg mutah.
Fazidah Ahmad:
Kalakati dalam pati,
mewelding besi, welding telapas,
sengsara merasa patahnya hati,
payah banaa asa kan benapas.
Haziq Aiman Haziq Aiman:
Hang tuah bunyinya kuat,
Jlamnya tekenal sebagai pahlawan,
Mun patah hati apa bulih buat,
Sudah suratan nasib badan.
Fazidah Ahmad:
Hang Jebat di tikam di badan,
Hang Tuah gagah badie,
Faham ea suratan nasib badan,
nganya tapikie ngapa dangan aniaya die.
PenNa DaNau:
Jaan diguna kalakati,
Kan pangupas kulit bawang,
Hunjaa tah saja kan pangganti,
Baik juak badua daiepada sawang...
Lamat Jaafar:
Asam paya di dalam pati,..
Pati amas batukup talam;...
Jaih aasanya mun patah hati,...
Mata malihat hati bakajam.
Fazidah Ahmad:
Ndada pisau kalakati pun baguna,
hulunya lgi tangal tangalan,
apa jua ulah die ndada lg yg guna,
tepaksa thah hidup tunggalan.
Lamat Jaafar:
Maang candung bisai hulunya,...
pakai manumbak kaladi biah,...
mana ulahnya dangan baguna,...
asal ditantang dijuluie lidah.
Fazidah Ahmad:
Kaladi biah tumbuh kaliling,
ditabas daun menjadi andah,
mangkali matanya juling,
lain aah ku juluokan lidah..
Lamat Jaafar:
maang tajam manjadi tumpul,...
amun ditatak batang hanibung,...
mata maliek takidum simpul,...
hati bapaang si dangan jantung.
Fazidah Ahmad:
Humbut autan,autan basimpul,
humbut hanibung dalam aisbok,
bila sudah takidum simpul,
ada haapan sudah bolih be inbok.
Lamat Jaafar:
awal sambat tuun ka paya,...
malawat bubu hinjapnya dua,...
amun ba inbuk hantap baiknya,...
asal bisai ulah lakunya.
Fazidah Ahmad:
Bubu di buat autan ba aut,
bahauo lawa anyamannya,
bila sudah hati terpaut,
pasti baik lah tu ulah dn lakunya.
Lamat Jaafar:
musim taduh ngail di laut,...
ada ulih buatkan umpan,...
amun hati udah tapaut,..
bagai paku lantak d papan.
Fazidah Ahmad:
Masa ngail digigit lipan,
d hambat jahuowan taus mati,
kasih bagai paku intak dipapan,
ea jua bagai ambut basimpul mati.
Lamat Jaafar:
rabus kalupis bakudi-kudi,...
awas tacampoo buah kapayang,...
kasih umpama si hampa padi,...
ditiup angin taabang malayang.
Fazidah Ahmad:
Hampa padi taabang malayang,
baas amping atas peti,
itulah nasib kasih dan sayang,
takdir jodoh tak terbawa sampai kemati.
Haziq Aiman Haziq Aiman:
Pagi2 mamas angry Lam0un,
Lam0unbd pasangbd siingg paya,
Handal hantap kamu bapantun,
Mambaie kn blajaa jua asanya..
Fazidah Ahmad:
Humban basi nasib malantun,
Masa mewelding jaga jaie patah,
Nda jua handal bapantun,
sekadaa maluah asa hati yang patah.
Lamat Jaafar:
hantap nyamannya si daun buluh,...
amun basapak si humbut palah,...
untuk nasib batamu juduh,...
mun nda upaa alhamdulilah..
Belais Misi Umpan:
buah ambutan sama kusukun,
siuk manjuluk sama nini,
hibat bna kamu bapantun,
daie antaie smpai kaang ani.
Fazidah Ahmad:
Gulai abung campuo nangalah,
kulit abung jaan dilampaa,
sukuolah pada Allah,
tajudoh jua biaa pun upaa.
Lamat Jaafar:
Buah langsat si buah aambai,...
buah bagantung sakanya tiga,...
pandai alum dikata pandai,...
kakal balajaa nuut basia.
PenNa DaNau:
Padi matah timbang bakati,
Inda lagi basukat gantang,
Payahkan ngubat mun patah hati,
Haie taang pun macam patang....
Fazidah Ahmad:
Semut d ambutan titiki dian,
atu pangajaa nini,
kebetulan ada masa bapantun sama padian,
ngibuokan hati yang patah ani.
Belais Misi Umpan:
mimang dapat basi d wilding,
kayu patah d gam paahu,
bwa nangkap anak kasising,
mun patah hati nda dangan tahu..
Lamat Jaafar:
Usaian lamiding jaan dilampaa,...
mbaie takamih aie badiee...
walau taluus batamu upaa, ..
hati kasih sampai ke mati.
Fazidah Ahmad:
Mulanya makai ukuo gantang,
Padi patah timbang bakati,
banaa palihatan taang jadi patang,
baik thah ku tdo bawa hati.
Lamat Jaafar:
ambit tanghaie manumbak aabung,...
nyaman digulai basapak hauan,...
patah panjuluk dapat disambung,...
patah hati malidi badan.
Haziq Aiman Haziq Aiman:
Kasawah padi mamskai kain,
Kain d jamuu d sambat haie,
Knapa hati mu patah ani kian?,
Kmana tah kau kn mambawa hati?.
Janie Kasdi:
Makan2 gulayan lamiding...
lamiding jualan tangah samin...
patah basi dpat di welding...
patah ati maaaa batah tu basimin...
=====================================================
Kadayan Banaa:
Ka daat bahunjaa madu kalulut,
Mbawa jua sabuting kapak..
Walau nasi di dalam mulut,
Tapi malas jua ku mapak..
PuteRi SakuRa:
MaaBus aBunG Baie baSapaK,
SapaKi DikiT Jan SimBuLan,
muN MaLas aSa kN maPaK,
aSaK² TauS d TaLan.
Kadayan Banaa:
Bajalan mahunjaa lukan,
Sama-sama Tgh Sabalas..
Mun sudah ku nda kan makan,
Nalan pun ku malas...
Eitaya Eid:
Pigi ka daat manabas-nabas,
nabas kayu mbuat mija,
mapak malas nalan pun malas,
dausahtah makan liat tibi saja.
Kadayan Banaa:
Bunga simpoo gugoo ka bawah,
Di makan olih si kua-kua..
Baik pulang makan buah,
Sabigi ipol ditampik dua..
Lia Mariana:
Ka kadai mambali salipaa,
Salipaa di bali waananya kalas,
Mun sudah kajaa2 lapaa,
Hilang salajoo asaan malas...
Kadayan Banaa :
Di pulau hantap baagas,
Buah tibadak balampaan..
Mun luan hantap bagas,
Andangnya kajaa2 kalapaan..
KyRa FaryDa Yen:
Mun udah kalapaan,
Agatah makan,
Mun nda dapat menalaan,
Pajal ja makan...
Kadayan Banaa :
Balajaa baca inda mangasi,
Byk di tulis dlm buku..
Inda ku jadi makan nasi,
Makan ipol nganya ku..
Leez Zha:
Pantunku inda luus..
Mun inda makan ada kuus..
Lia Mariana:
Padih mata asanya kalang,
Mun kuus ada tinggal tulang....
Leez Zha:
Ungkup2 bilalang..
Kita sup ya mun tulang..
Kadayan Banaa :
hantimun di kaat-kaat..
kamoo bapantun 2 kaat..
Pena DeYan:
Baas pulut baas lakatan,
Payahkan masak guna payuk letrik,
Jaan jua dituuti malas makan,
Ko jua yang payah mun kana gestrik...
Janie Kasdi:
Talupa plang kan mbawa kapak
Mana tatabang kayu kalumpang
Ukan nya malas kan mamapak
Mun udah gigi habis rumpang..
Dullah Ibrahim:
Nyukuu ambut gadat bagadat.,
luan sikan taguis isi....
baduluu malas kompom nda dapat.,
mangkali kandila umuu ditangisi.
===============================================
Kadayan Banaa:
Batang galagah tinggal sabuku,
Aing samangkuk ditumpahakan..
Lapaa sudah paasaan ku,
Tapi hantap malas ku makan..
Bilalang Imba:
Tampi baas sabalum mbasuh
Tauh aah bayung takut ba ulaa
Panyakit malas jaan d asuh
Hujung2 diee manjalaa.
Kadayan Banaa:
Duduk bahunjuu mbaca buku,
Anak ucing minum digalas..
Aie lain hantap bagas ku,
Saiyani nganya ku malas...
Lia Mariana:
Sanyum inda babalas,
Takut mangkali kanaa laang,
Jaan luan hantap malas,
Kalua gistrik haang2 kaang....
Janie Kasdi:
Caik talinga kna pulas2...
manakan baik di bari baja...
makan saja udah ko malas...
apa lagi kan bakaraja...
AR Idriss:
Daun pandan daun ampalas,
njamuu padi tikaa bangkuang,
hantap baiknya mun makan pun malas,
tantu baas inda bakuang.
Janie Kasdi:
Saie2 nuhun ka pakan....
nada bausin kan mbali pamarang....
saie2 malaskan makan...
ada tah pulang maninggal kaang...
PenNa DaNau:
Hantap baiknya daun ampalas,
Pakai maalusi saung maang,
Jaan dituuti makan pun malas,
Amun sakit paut ko juak yang haang2....
================================================
Kadayan Banaa:
Bakayuh hajat tuun maambat,
Bagung lama alom baganti..
Apa diminum di aie sambat,
Sacangkee aing sakaping oti..
================================================
Kadayan Banaa:
Sana hutan sini hutan,
Puhun gatah kana taah..
Sana hujan sini hujan,
Ada pakah aahnya baah..
Bilalang Imba:
Sana hutan sini hutan,
Tumbang kayu ta kaluaa akaa nya,
Sana hujan sini hujan,
Cukup lagi jaan ibut nya.
Kadayan Banaa:
Sana hutan sini hutan,
Di hutan ada puhun dalima..
Sana hujan sini hujan,
Jaan bahujan kaang salisma..
Bilalang Imba:
Bila kan manak baik tah makan
Balauk bangkutut nganya di malam
Jaan bana ba main hujan
Takut kaang jadi ka damam.
Kadayan Banaa:
Sana hutan sini hutan,
Mun bajalan makai salipaa..
Sana hujan sini hujan,
Mun damam payah ka spitaa..
Bilalang Imba:
Inda payah makai salipaa
Bila jayee sudah pudul
Inda payah tah ka cp taa
Tuyung saja jaan pinadol.
Ashleyn Bumiputraputri Rockers:
Sana hujan sini pun hujan
Amai2 dangan bahimpun
Iski ku bana mun musim hujan
Byk dangan beluih kulat tahun.
Ashleyn Bumiputraputri Rockers:
Ka kk mbali dian
Dian dbali dangan manutuk
Nyaman kulat tu padian
Mun diabus dgn saai batutuk.
Wassalam.
#Kadayan Banaa - Nulis-nulis pantun#
