Kala Kadayan

Assalamualaikum...

Ada jua ku maasaie tadangaa patuhaan ngucap kala (color/warna) dalam bahasa kadayan. Tapi mun kan di kia jaang-jaang jua ku tadangaa buatnya. Mun ku pikie-pikieakan daie mulanya yang ndaada owang tuha nyabut kala ni biyu atau biru, aie mulanya banaa macam nda ada yang nyabut. Mun kala biyu tu hijau bah janya nyabut, jadi aku naima pakai tah yang kadayan atu nyabut biyu atu 'hijau' janya. Sabagai contohnya ada pantun dalam bahasa kadayan yang ujanya:

Taloo taipas waana nya hijau,
Taloo angsa baakit dua..
Masipun jauh di langit hijau,
Mun dipaksa datang ya jua..

Atutah yang nunjukakan owang tuha dahulu nyabut biyuu atu hijau janya..
Sabuting lagi, mun kala ungu/purple atu kana ada ku tadangaa yang ngucap 'taukhobi'.. Atutah nganya itu uja mama, adapun kala-kala yang lain macam Miah, Kuning, Hitam, Putih yang lain-lain atu sama tah jua gayanya nyabut.. Mun boonai ada lagi yang lain macam kalas, gadong, pacah talur.

Nganya gaya sabutan kala macam taukhubi atu hantap jaangnya kana pakai olih kadayan kaang ani.. Mangkali jua sabab olih paubahan jaman, banyak sudah pengaruh daie bahasa-bahasa malayu yang didangaa dalam adioh dalam tibi makanya bahasa atu jaang tia kana pakai olih owang kadayan sandiie. Nda olahnya jua nih, yang tuha kaangani tu, mulanya alom ya baapa tuha bah.. dada tah lagi makai sabutan atu. Bagantung jua daie mana luah owang kadayan ani, mangkali ada jua sesetengah tampat yang langsung inda maasaie makai bahasa atau gaya nyabut kala taukhubi macam jangku di atas atu. Dada tah ku tahu jua yang banaanya, sadangkan 'kala' atu sandiie sama pulang jan tutuan owang putih, owang putih pakah bah yang nuut tutuan diie.. hehee.. ^__^

Wassalam.

#Kadayan Banaa maista-ista kala kadayan#

Sajak Umah Tabuka PKS

Sajak ani dideklamasi aie umah tabuka PKS biani 03-Sep-2011...
Baik jua ditauh mangkali kan dibaca aie lain..


BABUNGKAA
==========
(Nukilan; Aing Buluh)

Mun kita kanang-kanang
aie kita kakal baanikan
bilangkali kepala manyacah bantal
kan tiduu malam
datu nini dan patuhaan kita
bapitaan macam-macam caita
sabab musim atu alum ada talibisin
bacaita pasal kabilangan si Kauhai
pasal si Pugut yang kawin sama anak aja
banyak lagi caita-caita yang inda dapat kita caitakan babalik
sabab banyak sudah yang kalupahan

Banaakah si Kauhai uang kabilangan kita?
mun banaa siapa anak cucunya kaangani
kitakah atau dangankah?

Daie kalamaie kita kakal mehunjaa-hunjaa
mancahaie-cahaie apa yang kita umpun
nganang-nganang apa yang kita banyak kalupahan
indakah kita jauh hati
mun apa yang kita umpunya
kandila, inda lagi dapat ditulus
habaanya pun inda lagi kadangaan
apatah lagi kan malihat pisinnya
Batah sudah umah kita inda pandai kamas
malaa tanganya mbaiki umah yang alum sudah
mbaiki umah basaa inda tabala sawang-sawang

Wahai pambasaa dan uang kabilangan Kadayan
sahaie ani kami basadia babungkaa
daie baulit dan bakubut
kita bapakat, kita sauyun sa’awu sa’uja
nagaie tukul malantak paku
nyuung gaagaji manggal papan dan baunti
nyudahkan umah sampai bangis
sabab ani umah kita

Batah sudah kita diam di junjung
esok lusa mun umah ani kamas
dapat jua kita nauh apa yang kita umpun
mancahaie apa yang ta’iyit
mudah-mudahan apa yang kita tauh
dapat dipalihaa anak cucu kita kandila

Wahai pamudaaan
jaan lagi supan ngakun katuwunanmu
pasal mun kau kakal supan
sabatah-batahnya katuwunanmu kesupanan
jaan lagi mudah gamaa, mudah galat
sabab mun si Pugut gamaa dan galat
inda ya dapat kawin sama anak aja

Wahai pambasaaku
wahai katuwunanku
inda ada hagimat yang salulu
mun kan jadi kabilangan
bapakat kita bapakat

maasaiekah kita tapikii
ngapa kalupis bajalin?


#Kadayan Banaa maista-ista sajak PKS#

11.11.11 11.11pm

Assalamualaikum...

Mun bacaita pasal haiebulan 11.11.11 ani hantap banyak dangan yang nunggu..
Ada yang kan kawin haiebulan ani.. mun yg nunggu aie tu tantu taya kan baanak saiyani..
Inda tah ku tahu apa yang istimewa banaanya.. sakadaa 1 lomboo jua nganya pakah..
Atu masing-masing tah umpun pendapat.. apa-apa mu bagiku hal ani malibatkan masa..
masa atu sesuatu yang Tuhan ciptakan untuk kita.. macam 11.11.11 atu, hanya sakali saja kita laluinya saumoo-umoo hidup kita ani.

Wassalam.

#Kadayan Banaa maista-ista haiebulan#

Salamat Aie Aaya Haji 1432H..

Assalamualaikum..
Musim haji datang lagi.. Aie Aayanya pun datang tia jua..
Mun aie aaya haji ni di kampung mulanya ada makan-makannya ini..
kaangani tu mun sudah dibandaa nda lagi tantu sambutnya nih,
paling-paling sambahiyang raya jua nganya.. nyumbalih kooban...
Apa-apa pun basaa jua haati kooban ni dalam diie kita.. bukan sakadaa ibadah nganya tapi banyak jua yang lain manyalat kan dipikieakan dalam jiwa kita..

Wassalam..

#Kadayan Banaa - maista-ista pasal aie aaya haji#

Aku Hanya Serangga

Mengapa aku tak dapat melupakanmu
Antara perjalanan
Suci menangkap waktu
Membuat aku rindu
Membuat aku rindu..

Bukannya aku tewas dalam pajuangan
Membelai impian
Sabantaa tadi aku
Lihat sinaa matamu
Lihat sinaa matamu..

Meronai gais-gais kesetiaan
Semakin kelam dan amat panjang
Bagaimana aku hendak melupakanmu
Dalam keheningan pagi sering bertemu..

Untuk esok biaalah ia balalu
Lantas mambuang mata fikieku
Dalam kanangan begitu payah malupakanmu
Mungkin untuk sabatah-batahnyaaa...

Jadilah aku pangingat yang setia
Setelah aku tahu
Aku hanya serangga
Di taman belantara
Di taman belantara...

#Kadayan Banaa - maista-ista lagu BPR#

Caita Pasal Indahau

Assalamualaikum,

Aku pun nda jua tahu pasal indahau ni banaanya. Ndaada luan pangalaman ku pasal indahau ni. Olih-olih tadangaa daie dangan sama batanya aah owang tuha jua nganya nih.

Mun pasal galaan damanya indahau ni, salain daie dangan ngucap indahau, ada jua dangan nyabut kalindahau, ada jua yang ngucap klindahau janya nyabut.
Mun kan dicaita akan pasal upa indahau ni, ada dangan maista hitam upanya. Tapi payah kan malihat upanya, hagutnya tunduk ya uja dangan, atutah mangkanya nda kalihatan muhanya. Maasaie jua ku tadangaa dangan maista indahau ni muhanya pasagi macam bigi maitus, dada tah diie tahu itu yang banaa. Mun pasal ambut, ambutnya kuning uja dangan nih. Mun ambut yg malakat aah lambiding tu uja dangan ambut indahau..

Dicaitaakan jua pasal indahau ni, susunya libaa macam ngiuu. Atutah kan panyiutnya bangkutut itu. Aienya nyiut bangkutut.. dilagaunya tututututt.. janya.. Aah susunya atu tia jua napok kanak-kanak itu uja dangan. Sikunya pulang, tajam itu uja dangan, luncit itu sikunya indahau tu. Mbaie watiee ta-auk jamu.
Mun pasal bunyinya, uja dangan bunyinya labih kuang 'kau.. kauu.. kauu..' ada jua yang baucap bunyinya 'umhh.. ummhhh...' alus-aluss itu bunyinya. Ihhhh.. bunyi indahau pakah yang ku tadangaa biani tu.. hehee..

Uja dangan lagi.. indahau ni pandai mbangkit bubu. Sakali diie malihati, dikit pun nda ada lagi olihnya itu bubu tu, bakas kana bangkit indahau itu uja dangan.
Ada jua yang maista, indahau ni babahai jua ya. Bahai indahau ni sama luan mcm bahai diie bah, tapi nganya basaa ya dikit.

Aie owang kampung nyikut padi mulanya, ada jua yang masaie bisia talihat indahau tu bakasnya aah aing, kakal tah bagumbang aing bakasnya lalu, ulihhh hantap hampiee nya itu banaa. Ada itu bakas tampak batisnya kalihatan aah tanah licak. Buntak itu bakas tampak batisnya, jaan disukat-sukat uja patuhaan, mbaie luka taitu itu mun disukat. Dada ku tahu kan banaa kan dada nih.

Indahau ni bulihlah dikategorikan dalam golongan hantu pakah itu yah..hehee.. Daipada yang ku tadangaa uja dangan indahau ni pandai napok kanak-kanak. Caita paling salajuu diie tadangaa indahau ni pandai ya nyaupa. Macam paadian diie taya buatannya itu mun ya nyaupa, atu tah kanak-kanak sikapnya kan tuut. Mun kanak-kanak nuotakan, atutah nda batah hilang taya itu kana tapok indahau.. Mun sudah dangan tajumpa kala-kala dangan tajumpa aah pulau balading, ada jua yang ahh pulau kalumbi. Aah nya baduie hantap itu, tapi mun ditanyaakan aah kanak-kanak tu, janya siang itu jalannya lalu tu antaie dada ya baduie. Tadangaa itu ya dangan haik-haik malagau ia aie dangan mahunjaa, tapi indahau tu nda nyuuh nyahut. Mun sudahnya kana tinggalakan olih indahau tu hautah ya kadapatan itu. Ada jua dangan maista owang yang bakas kana tapok indahau tu likin itu badannya. Macam-macam caita ini pasal paanak kan nuotakan indahau ni, ada yang palihatanya nininya kan ngail, hantap tia kan tuotnya. Ada yang nuotakan kaka nya. Ada yang talihat nininya nabas-nabas kan dituotakannya, aduh sudah kaang bakas nabas tu dikit pun ndaada itu. Uja dangan, mun hujan baai-baai aie malamaie kuning aie tah lagi, atutah aienya baindahau hantap tu. Dada dangan nyuuh paanak jauh-jauh itu, kaang takut kana tapok indahau.

Caita lagi pasal indahau ni, ada jua caita pasal owang yang kana tapok indahau daienya damit. Kana tauh aah hujung pulaie ahhnya. Talihat itu ya dangan lintas-lintas, minta ambilakan ya timbaan. Atutah ditalinya timbaan tu, diuloonya ka tanah alom datang, minta ambilakan ya lagi. Sampai tah dtg ka tanah.

Indahau ni ada ini yang ditakutakannya uja dangan. Yang ku masaiee tadangaa, takut ya kan maang candung. Takut jua ya mun dikatik kuku diie. Lagi, iya takut jua mun dihantakakan basi sama basi, nda olahnya bangal itu talinganya uja dangan.

Ada jua yang maistaa mun di malaya (semananjung) uja bisia malagau indahau ni hantu susu janya.

Atu uja dangan jua nganya bah.. mun salah uja dangan, salah taitu ya ujangku tu.

Wassalam.

#Kadayan Banaa - maista-ista pasal indahau#

Pantun Kayu Pulak

Kadayan Banaa:
Tolak ka hulu mbawa bahata,
Pisau balati dalam paahu...
Pulak kayu nampak di mata,
Pulak di hati nda dangan tahu...

Nor Aini:
Pulak kayu nampak di mata,
pulak di hati nda dangan tahu,
masipun kurayu dgn aing mata,
inda ada jua dangan kan ngambil tahu...

Reed Bull Merah:
pulak kayu,patah uja dangan...
dahan damit sanang di pulak..
atiu tah hati dangan...
hati diri abak-abak...

Kekwa Jutawarna:
kanak-kanak main tulak-tulak,
sawang tamasuk kadalam paahu,
mun hati sudah pulak,
tunggu kandila basulie bahawu...

Kadayan Banaa:
Buat mampalam di dlm cuik,
Di makan sama lauk hauwan...
Pangayu patah laai pun caik,
Nda lagi tantu tuju haluan...

Reed Bull Merah:
Buah manungan masak kuning diatas...
kan njuluk tinggi hantap...
nada haluan jgn capat bingkas...
bawa2 tah mengucap....

Kekwa Jutawarna:
Puhun a'a batumbuh aah kuimbing,
Daunnya hijau sapauh kuning,
Kalau hidup ta umbang-ambing,
yang tuut didalam pun paning...

Kadayan Banaa:
Sieh pinang si kalakati,
Jaan di bawa ka dalam hutan...
Sipun jaih asa di hati,
Ingat-ingat jua takdiee Tuhan...

Nor Aini:
indah sungguh bunyi paluan,
paluan kompang oleh pak ali,
mun hidup nada haluan,
sama tah mcm layang2 putus tali...

Kekwa Jutawarna:
Kalakati lama dijadikan pingat,
andangnya antik dan tahan,
jangan dipikie jangan diingat,
samua atu kaaja Tuhan....

Nor Aini:
jaih sungguh asa di hati,
ttap ku sabaa2 akan jua,
amai jalama kaang ani inda mahaati,
inda kuang jua yg pndi pua-pua...

Kekwa Jutawarna:
Andangnya bangis amas suasa,
dipakai ulih anak aaja,
Tauskan kahidupan samacam biasa,
salabihnya saahkan aah Tuhan saja...

Reed Bull Merah:
jln2 tajumpa sarang burung tampua...
sarangnya byk sakali..
andangnya karang ani byk yg pua-pua..
utk kapantingan diri sandiri......

Kadayan Banaa:
Aing manisan jintan sulasih,
Diminum kaang kan buat bahata..
Mun putus owang bakasih,
Kaing salautan si aing mata...

Nor Aini:
badiee gagah si en. pangan,
sambil badiee bacakak pinggang,
pentingkan diee pentingkan dangan,
biaa tah seiing & seimbang...

Kadayan Banaa :
Buung punai taabang malayang,
Hinggap saikong di atas aban...
Tinggal kasih tinggallah sayang,
Sampai kandila jadi ista'an...

Kekwa Jutawarna:
minum aing bacampo salasih,
buat panyajuk lihie yang padaa,
apa jua ulah mun putus kasih,
taima tah saja qada dan qadar....

Reed Bull Merah:
Balusir ka pasar Limbang..
kan mambali buah mambangan...
uja diri kan seimbang...
inda tau ati dangan...

Kadayan Banaa :
Ka kadai tagal mbali makanan,
Mbali pulang buah manungan..
Hidup ani bukan mainan,
Jaan di sakiti hati dangan..

Nor Aini :
tuun mahat bahuat-huat,
luan pemalas hantap kan bajaoo,
ista jahat jaan dibuat,
ista baik buat salajoo...

Reed Bull Merah :
ka kadai mambali baja...
baja dibali mahal jua....
angkali inda sengaja..
iatah atu puncanya....

Kekwa Jutawarna :
Tuun kakadai naik mutusikal,
tapi babalik abis tia minyaknya,
hidup anie kala-kala inda ngunakan akal,
tapi batindak ikut naluri nganya......

Reed Bull Merah :
Anak damit kan minum susu...
susu cap junjung yg manis ...
atu tah ikut nafsu...
nafsu syaitan dan iblis....

Nor Aini:
pantun kadayan andang puitis,
dikaang olih si anak aja,
aing mataku hagut menitis,
apakah ani tandanya kecewa...hahahaha...

Kadayan Banaa :
Kan nanam si bunga kekwa,
Ka kadai dahulu mbali baunti..
Mun hati dangan kaciwa,
Hunjaa yg lain jadi pangganti..

Kekwa Jutawarna :
andangnya pantun dibuat puitis,
kala2 mcm di awang-awang,
aing mata KJ pun salajo jua manitis,
teutamanya anie ngupas bawang....kuix3

Nor Aini :
jaan iski badalih-dalih,
uja dangan mbaie jdi papa,
sdhku hunjaa alum luih,
apa jua diee ani inda baapa...

Reed Bull Merah :
ka bukit tajumpa babun...
babun sadang nyusu anaknya..
kitani sini suka baibun...
atu tah kadayan yang sabanarnya....

Kadayan Banaa :
Nda tah diie pandai takinta,
Ada tia nganya yang kalupahan...
Diie ani sakadaa maminta,
Jodoh patamuan di tangan Tuhan...

Reed Bull Merah :
Udah tuha andangnya bauban...
bauban nada balinsa...
andangnya juduh patamuan d tangan Tuhan..
tapi kita kana usaha jua....

Nor Aini :
basing bapigang di atas dahan,
dahan mumut pyh tasaah,
biaa tia atu kaaja Tuhan,
aku hanya mampu berserah...

Kadayan Banaa :
Masak gulayaian si paha-paha,
Basapak lagi sama nanggalah..
Hidup di dunia andang bausaha,
Jaan pulang mudah mangalah..

Reed Bull Merah :
Bana hantap tu Kadayan Bana....
iatah yg sabaik2nya tu..
Tuhan nyuruh kitani bausaha....
Tuhan banci bana klu urg capat mangalah....

Nor Aini :
anak si Limah namanya Milah,
upanya lawa tapi jajal,
bknnya iski mangalah,
tapi nganya malasku majal...

Kadayan Banaa :
Ambil satandan buah jalayan,
Mun makan jaan bajuih...
Uja paambahan owang kadayan,
Mun nda majal nda luih... hehe..

Pena DeYan :
Anak jajal atu nganya puih,
Udahlah puih nganya sauwang,
Bana mun nda majal payahkan luih,
Tpi jaan dah luih dipajahati tah pulang....

Wassalam.

#Kadayan Banaa - maantang-antang pantun kayu pulak#