Assalamualaikum..
Pada 13sep2014 saiyatu maantang pantun tah tangahnya Bilalang Imba di group facebook Generasi KADAYANdotCOM. Banyak dangan tuut bapantun, aku pun tuut-tuutan tah jua ku. Ku tauh sini supaya dapat jua dibaca-baca aie lain. Nyani tah bunyi pantunnya.
Bilalang Imba
13sep2014 at 5:06pm
Assallammuallaikum paadian2 samuha
Ani pantun ku sayanee,
Mun kamu sudi, balas taya,
HANTAP TAJAMNYA PISAU PARAUT
SANANG NGANYA NIBAK PUNAGA
BILA NGANYA NYUBAANG LAUT
HINGAN BANANANG KAKAL KU HAGA
Edris Mamit:
Lima basaudaa panglima daing,
Jaan digaatak mau bakalahi,
Damanya lautan dipanohi aying,
Baa api salautan lagiku kaihi.....
ZaiHuri Johari:
Bali baas d kadai kina,
Baanti d pulau mupul bunga,
Bangismu ani hantapku guna,
Api sama duwie x ku ngelinga.
Edris Mamit: BI....
Banyak dangan di pantai tungku,
Malihat timbul lauk kaatang,
Ku pajal bananang lamah tuhutku,
Ku opok bantal samangatnya datang....
Mohd Saiful Rizal Amlih:
Apa asanya si buah lakup.
Mun malaa ditauh baja.
Lautan luas nda ku sangup.
Mun sungai mana taya saja.
Melati Bukit: Bilalang Imba..
Anak tekuyung padian kunau
Lauk umahan ku masak kunyit
Tujuh gunung sembilan pulau
Hampii asaku subalah bukit..
Mohd Saiful Rizal Amlih:
Malas bakaih paut pun lampie.
Boung punai taabang malahut.
Manuut habaa bunyinya hampie.
Tapi di kokuk nda manyahut.
Melati Bukit: ZaiHuri Johari..
Bebaju kuning selindang kuning
Pukat ku tahan tujuh binata
Duduk paning bediie pun paning
Upamu tuan di mata mata
Nazyrah Mohd Ali:
Sg sihut jaan d tubak,
tkut tubak nda ba pucuk,
bnanang dlaut jaan d cubak.
Tkut kaang d talan pusuk.
Melati Bukit: MSRA
Kayu baunti dihuung samut
Anak baungun di bawah umah
Uja hati hantap kan nyahut
Takut tebangun liau subalah
Nazyrah Mohd Ali: Melati bukit...
Bju kuning salipa kuning,
jalan2 si awang gundul.
Dduk mu paning badiik pning,
cpat2 th mkn pnadul.
Melati Bukit: Nazrah Nazyrah Mohd Ali..
Jangan digaut asam kuini
Hatuu ngiuu dinding subalah
Nanang di laut inda ku baani
Ditungap hiyu menjadi mulah
Nazyrah Mohd Ali: Melati bukit
Ada lukut blakang pnyu,
bnyk tanh dlm hutan,
amun tkut d tungap hiyuu,
jaan ba umah tngah lautan.
Melati Bukit: Edris Mamit..
Padi mu hampa inda beisi
Taluu sebigi di kulimata
Kita bejumpa di dalam mimpi
Tebangun pagi abis caita..
Mohd Saiful Rizal Amlih:
Mun takut kan kana tabak.
Baik tah lakas balusie.
Mun takut takana ombak.
Baik tah jaan mahaga pasie.
Nazyrah Mohd Ali: MSRS
Laju2 jua blusie,
takut d talan ulih kutuk,
amun nda dpat mhgak pasie,
apa th gaya mbuat umah batuk.
Melati Bukit: MSRA
Ke muhaa membawa akit
Kan mahaga si ubuu ubuu
Nama jua Melati Bukit
Ada umahnya di puncak buhuu
Mohd Saiful Rizal Amlih:
Ngapa kiyan sungai ni kabut.
Nda baulah diee mambuboo.
Baangin pakah mun aie ibut.
Mun baumah di puncak buhoo.
Mohd Saiful Rizal Amlih: Nazyrah Mohd Ali.
Buah tibadak malaa balutu.
Dibuat liking jamoo di nyiyu.
Nda bausin baumah batu.
Umahku ani baamu kayu.
Kadayan Banaa :
Anak dangan ngisap sigup,
Asapnya sampai ka hujung dahan..
Aie baucap samuha sanggup,
Tapi nyubaang pait pun kapayahan..
Baiyah Asmidy: Melati bukit.
Indah sungguh pergi labuan
Pergi labuan pakai kereta
Handsome sungguh wajah mu tuan
Wajah tuan bercermin mata..
Tainun Puasa:
Jangan autan pahalintangi
Manyukaa umah bida upanya
Jaan tah lautan kn dinanangi
Kakal setanah naada paculnya
Bilalang Imba:
Daun salasih Daun jalayan
Daun kaladi pambungkus duku
Taimakasih kamu paadian
Sabap sudi mbalas pantun ku
Nayan Nahu:
Anak ambuk tainat-inat,
tainat-inat mengangus pauut,
mun sudah ku taniat-niat,
nda ku paduli nyubaang laut.
Saulih Ulih Ku:
buah ksukun dlm baadi,
d bwa laie c ank kina,
kn tuut bpantun nda ku tahate,
ddk mbaca ttwa ngnya..
Mohd Saiful Rizal Amlih:
Byk pantangnya owang batian.
Aie kuning nauh patungut.
Nampongi dikit ngaya padiaan.
Pantun olih mamungut mungut.
Bilalang Imba: Tainun.
Galagaa patah paku Tapacul
Halintang pukang mambaee gagau
Malaa sdh jua mamacul
Macam maang nda ba hamalau
Melati Bukit: Baiyah Asmidy..
Puhun gatah jangan diaut
Takut licin penjuluk mangis
Amun sudah hati tepaut
Saungkan cincin di jayie manis..
Hehehe..
Bilalang Imba:
Bila bagatah inda ya likin
Batang bayam ukan nya kangkung
Apa kian olah nyaung kan kingkin
Bila hayam sdh ba kuung
Adee Putra:
Hamalau kayu panagap hulu...
Hulu ba ukie Si Bunga Simpuo ...
Jaan bananang mahala hulu...
watie lamas di tangah aluo...
Bilalang Imba:
Kingkin amas olih mambali
Sipun baat kakal d bali
Walau lamas nda ku paduli
Kaana hajat manungkul d hati
Adee Putra :
Sayang salasih timbul batiti...
Jadikan sacangkie aing minuman...
Kalau hajat munungkul di hati...
Baik di haga bapaahu bagaman..
Syam Syambazz:
Hantap tajamnya pisau peaut,
Sanang kianya nibak punaga,
Kalau hating ku sudah tapaut,
Mana pn a'ahnya tatap ku haga,
Bilalang Imba:
Kana lumak bahauu tapagong
Inda nyaman ta asa kalang
Sipun Ombak tinggi mangunung
Laak gaman sangup ba nanang
Bilalang Imba: Syam Syambazz.
Masipun jauh aah hujung pisuk
Damanya hajat kan d Kaihi
Mun sdh d agah kakal malanguk
Tanda sanuju mbaee iski hati
Mohd Saiful Rizal Amlih:
Pakai minyak minyak basupa,
minyak wangi bau kasisang,
gaman laak nda mangapa,
kakal ku ujah babangkaa pisang.
Bilalang Imba:
Baik majal Masipun pajal
Asal sampai yg uja Hati
Sipun tangaa pungal mamungal
Dalum ta ampai kakal ngaihi
Melati Bukit: Bilalang Imba..
Batang pulaie dibuat saung
Saung maang besimpai tiga
Malamayie hayam bekuung
Esuk siang keluua itu ya..
Nazyrah Mohd Ali:
Patah dua tangn kayan,
dtg lmbat nda blalih,
atu tia pepath kdayan,
mun mjal bhauth luih.
Adee Putra :
Lancang kuning balaya malam
Singah sakajap manangkap kadidi...
Jaaan luan dikaihi ba uwie ba damam...
mbaie jaa ampa ngamudi...
Bilalang Imba: Melati.
Buah taung gulayan sambat
Lada d bubuh padas mahaang
Hayam bakuung ba sampai babat
Aban ubuh d sambaa halang
Melati Bukit: Nazyrah Mohd Ali.
Jangan menuba lupak luayan
Ambil langamit kan ulam aja
Jangan diduga anak kadayan
Sipun damit behati waja
Nazyrah Mohd Ali: Melati bukit.
Anak itik bjalan limak
jalan btinting tkut basah
damit jua kutuk kan hamak
dpat jua nya mbunuh gjah
Syam Syambazz: Bilalang Imba.
Masipun jauh aah hujung pisuk,
Damanya hajat tatap d haga,
Die ku ani mcm d asuk,
Manganang nasib nda tjmpa,
Melati Bukit: Bilalang Imba.
Saibaguna nyaman pucuknya
Besapak udang dayie mahiie
Mun kana dangan pujuknya
Hayam taabang menyaah diiee
Nazyrah Mohd Ali: Syam syambazz.
dlm gua ada cepani,
kiri kpas kanan sangkuang,
sma jua nsib kta ni
kri mlpas knan tbuang.
Melati Bukit: Nazyrah Mohd Ali.
Ambilkan tuus batang jelayan
Akan menabas di waktu pagi
Hantap luus uja mu padian
Macam padas si lada padi
Adee Putra: Syam Syambazz.
Luasnya kapok ditangah padang...
jadikan bantal badaun kulimpapa...
ASipun jauh taangnya bandang...
jaan luan dikanang nasib manimpa...
Nazyrah Mohd Ali: Melati bukit.
buah manggis buah ceri
buah limau bda basa
ukan keris pnjaga diri
tapi ilmu pembela bangsa.
Nazyrah Mohd Ali: Adee putra.
lagu2 btandang tandang
taabang jua buung blatuk
tmpt gugu lg d kanang
ani kn lg tmpt thntuk
Melati Bukit: Nazyrah Mohd Ali.
Sipun damit daun jelayan
Jangan ditauh di bawah tangga
Sipun anik anak kedayan
Datang jua sdh ke naagi kina
Kadayan Banaa:
Byk wajit di atas talam,
Dimakan lagi sama kalupis..
Apa ditakut laut yang dalam,
Dami bajajak singgan lamak batis..
Adee Putra: Nazrah.
Guni kalat pangikat pinang...
Disusun babais pahidang suasa..
Tmpat guguo lagi dikanang...
Salagi batahan pawais bangsa...
Melati Bukit: Kadayan Banaa.
Amai kita njuluk mampalam
Waktu pagi siing cucuan
Siapa kata lautan dalam
Dalam lagi ilmu mu tuan
Kadayan Banaa: Melati Bukit.
Sambat2 masak gulayan,
Gulayan dimasak sama kambing..
Ukan ilmu jadi pakaian,
Upanya kakal sieng tambing..
Syam Syambazz: Nazyrah Mohd Ali.
Kaie kapas kanan sangkuang,
d tangah2 sapulau padi,
Kaie mlapas kanan tbuang,
Tingal die ku yg mkn hati.
Melati Bukit: Kadayan Banaa.
Jangan diluut sibunga jati
Sibunga jati bejaluu miah
Kadayan menuut rasminya padi
Semakin beisi tunduk ke bawah
Adee Putra:
salasih ulam bacacah pauh...
Di asaie nini pahit mancuka...
Kasih dan sayang tapisah jauh..
makin manganang didada Luka..
Nayan Nahu:
Sigah jap mkn ambutan,
ambutan di mkn di patuk bangau,
nda payah nyobaang lautan,
basikut saja aaah siangau.
Kadayan Banaa: Melati Bukit.
Kami mahatoo bais kuusi,
Kuusi daie puhun gatah...
Padi malantoo ukan baisi,
Upa-upanya tangkainya patah..
Adee Putra: KB.
Bunga tanjung haum baunya...
Haum lagi si limau kastuie...
Bila padi patah tangkainya...
Sabab angin pakah batiti....
Kadayan Banaa: Adee Putra.
Tinggi hantap puhun gatah,
Tinggi padi daie halalang..
Inda tahu sababnya patah,
Pakah tajajak olih bilalang..
Adee Putra: KB.
Buah dalima si Buah kuoma...
Makan basaama si Ulam pagaga..
Bilalang di padi makan haama...
Mun nganya tajajak alum bagaga...
Melati Bukit: KB.
Buah nangka masak di batang
Pucuk mangis asanya pahit
Kusangka buunas padi ku tatang
Upanya ampis dimakan pipit
Adee Putra: Melati Bukit.
Mahila nibung langkah takulipit...
Salajuo ba diee tasipak gasing...
Alang sayang di makan pipit...
Taut kan tali pasang kalinting...
Kadayan Banaa: Melati Bukit.
Apa olih di tanah jawa,
Hanya sakadaa buah mambangan..
Diie ku ani apatah jua,
Hanya sakaada buang-buangan..
Kadayan Banaa: Adee Putra.
Tinggi umput daie halalang,
Halalang tinggi batangnya lima..
Bilalang ukan sabaang bilalang,
Bilalang Imba dibaie dama..
Adee Putra: KB.
Wahai Bulan taang ba buli...
Di paga bintang bak satia...
Bilalang Imba ingga manuli...
Bahautah hampie taabang tia..
Melati Bukit: Adee Putra.
Abus keladi di dalam bumbung
Pohon selasih mana buahnya
Putus tali dapat disambung
Putus kasih apa sudahnya
Nazyrah Mohd Ali:
Makan sukun mlht katun,
ank kyan mkn banana,
pndai bmukun pndai bpantun,
atu tia kedayan banaa.
Melati Bukit: KB.
Naik pedati ke muara
Makan bubuu di pantaan
Ada sebiji mutiara
Sayang tekubuu di palimpahan
Adee Putra: Melati Bukit.
Alam nan luas saujana pandang...
Kasih umpama ikatan yang dalam...
Putusnya kasih jiwa disandang...
Lupakan saja hilang dandam...
Nazyrah Mohd Ali:
Alam buana ai malam
mkn dkit daun bayam
mcm mnakn lupakn dndam
dsumph mti tjajah thi hayam
Adee Putra: Nazyrah Mohd Ali.
Uwie timbul di hujung asang...
Di hati di buang asa sayang...
Dandam mbuinih jadi dagang..
Salagi tujuan basahut antang...
Nazyrah Mohd Ali: MSRA.
lauk masin dlm nyiuk,
ai njamu jaan badiik,
bausin sdh tu ba umah kayuk,
aku ni alum ba umah sandiik.
Edris Mamit: Melati Bukit.
Alus bana jaum paniti,
Kan panyamat saluaa yang tatas,
Dalam taloo lagi dinanti,
Apa tah lagi sudahnya manatas...
Bunda Delima:
Abang Toyib inda pulang pulang,
menjajak kaseh dpulau subaang,
tinggal lh kaseh tinggal lh sayang,
atu tah nasib diiee yg tabuang.
Nazyrah Mohd Ali: Adee putra.
ada sabut jaan d andam,
buat bbur dlm kuali,
bla bshut asa kn dandam,
sggu mati hncur brdiri.
Edris Mamit: MB.
Lauk kali nda baasang,
Dimasak jua baasam padas,
Mahampa padi disaang kasisang,
Pipit jua takana tampias....
Edris Mamit: Bunda Delima.
Batu gajah batu baandam,
Tampat dangan balalu lalang,
Bila ya sudah indu dan dandam,
Sabulan punaama tatap ya datang...
Nazyrah Mohd Ali:
Msak kari glai hntimun,
baik dmkn bsama sma,
sehaik sj asa stahun
anikn lg asa spurnama.
Melati Bukit: Edris Mamit.
Tungkul pisang di atas talam
Ada dua di dalam kawah
Akal kasisang besifat diam
Pipit jua yang gawah-gawah
Edris Mamit: MB.
Tasapit jaie dalam calapa,
Tatawa nimu giginya kuning,
Pipit mangingaa bukannya apa,
Gumbia malihat padi manguning..
Nayan Nahu:
Kalau pege pekan maapok
Ambil limau atas bangku
Pandai-pandai tah batapuk
Macan haimau menapuk kuku
Nazyrah Mohd Ali:
Kyu ubah pth baunti,
dhinggapi punai kaacau,
bpadi d sabah bpadi d sibuti,
pipit jua jd pngacau.
Mohd Saiful Rizal Amlih:
Punai gumbali punai kaacau,
Sikap tuun aah tanah landai,
Mun hijap pipit mangacau,
Baik tah badoung di kadai.
Edris Mamit:
Lukan diangat olih si babau,
Tauh aah pagaa luan manumbii,
Ukan niat pipitkan ngacau,
Nganyakan tuut makan manyampii...
Edris Mamit: Mohd Saiful Rizal Amlih.
Abis sudah samusim duyan,
Banyak biginya dihoong langau,
Luus bana ujamu padian,
Bapadi di kadai tikus kasisang nda diingau..
Melati Bukit: Nazrah Nazyrah Mohd Ali.. Edris Mamit..
Uja pipit..
Pisang abah tunjung ke titi
Sakit teidis di lamak batis
Dayie Sabah kan ke Sibuti
Muhunjaa kalupis yang lamak manis..
Mohd Saiful Rizal Amlih:
Sambat sambat mahunja lidi,
malamaie tuun malagau,
ukannya diee nda kan bapadi,
nganya kaangani nda tagagau.
Bilalang Imba: Edris Mamit.
C mimit anak tingalong
Bila bausah hantap nya bagas
Daee damit sdh ku olong
Sdh basaa ngapa talapas
Edris Mamit: MB.
Daie Sasa ka Tg Nipis,
Singgah satagal di kg Samin,
Bila ngidamkan makan kalupis,
Datang ai anam ka tamu Sindumin.....
Bilalang Imba: Adee Putra.
Sasagun makanan dahulu
Uja nini makanan damit mu
Malangkah tahun sdh ku nunggu
Bahauu ani ada pacul mu
Edris Mamit: Bilalang Imba....
Bajalan ka hutan mamundol taipas,
Talangga saang c mangga bauk,
Macamana jua nda talapas,
Dilihatnya padian luan hantap gauk....
Bro Banz: Bilalang Imba.
buah pinang kulit tambaga,
Ikat ah guni buah ambutan,
Mun banang pun sanggup kau haga,
Angkat lagi etu mun sudah bajumbatan..
Bilalang Imba:
Kalamaee kami ngalupis
Dua kawah baas bahauu
Ngapa d hunjaa kalupis Manis
Cuba d olah wajit dalamu.
Bilalang Imba:
Daee kalamaee gagau bausah
Kaluusan paanak kawin
Bila Hampee malajAu Jua pakah
KaanA Jua pakan sindumin
Edris Mamit:
Nangkin maang basisip balati,
Kan pangaat limau yang manis,
Kalupis jua dihunjaa c malati,
Sabab wajit taluan manis..
Bilalang Imba: Edris.
Pulaee tunjung balingkuk
Nda Mangana kan tihang katik
Damanya laki andang nya gauk
Tiwas Saja luan d atil
Melati Bukit: Bilalang Imba.
Naik pedati dayie Kelulit
Anak bugis memungut lutu
Hajat hati kan makan wajit
Gula ku abis baas bekutu
Bilalang Imba: Bro Banz.
Hajat Hati kan ka putting
Kan mbali usus sama jua maang
Bila Jadi mbuat jambatan
Lacus2 tah ku nyubaang
Edris Mamit: BI..
Duduk bajuntai di atas katil,
Sambil minum aing galagah,
Macamana jua nda ya mangatil,
Tuan talakak alom pun diagah....
Nazyrah Mohd Ali:
Hitam jua buah sukun,
dibwa daie kdai bntulu,
daie dmlm sudh bpantun,
smpai smbat ni pdian bdulu.
Bilalang Imba: Melati.
Andang gatal d gigit angit
Hingap saja kanyang malauu
Bila nganya kan makan wajit
Dausah Mbuat bagas Saja bajauu
Edris Mamit:
Pigang hulu mangasah maang,
Kan panatak pohon jaitun,
Daie dahulu sampai sakaang,
Anak kadayan tabilang bapantun....
Bilalang Imba:
Apa inda Manis galagah
Luan makan d hujung2
Hantap Mudah Malangok d agah
Buat mangagah taus tadayung
Melati Bukit: Edris Mamit.
Kan ke masjid hujan gaimis
Melintasi hujung jambatan
Ku asa wajit nda jua manis
Manis lagi kidum padian..
Bilalang Imba:
Batah sdh inda malampun
Kaluusan ta kandung c duyan puluu
Batah sdh inda Bapantun
Kaluusan kali ani baduluu
Nazyrah Mohd Ali:
Dai tiris mali laminit,
mkn jua lauk smbilang,
bna uja mu si edris mamait,
uwng kdayan ang tbilang
Melati Bukit: Bilalang ..
Api2 tunjung ke laut
Batangnya buatkan katil
Laki2 andangnya gauk
Bini2 jua pengatil..
Edris Mamit: Melati Bukit....
Tanam kunyit di pohon gandum,
Biaa jauh sanang balaie,
Andangnya manis bilaku takidum,
Bilaku nguising padian tatap tah laie....
Bilalang Imba:
Apa tamis nya taloo biuku
Nda sama taloo dalam kataan
Apa manisnyA Jua kidum ku
Manis lagi bahasa mu puan
Nazyrah Mohd Ali:
Btah jua nda klantun,
buln lpas dai bntulu,
bilalang imba pndai bpantun,
ptut bna mau bdulu.
Bilalang Imba:
Jalaa2 kakal d katil
Mangkali kakal takandung mimpi
Jaan luan malaa d atil
Ia tah mbaee kambuhnya owee
Edris Mamit:
Naik bilun tuun di bantun,
Mbawa sabigi duyan yang kawin,
Baantiku dahulu manyubuk pantun,
Kan mahaga lagaun kawin....
Bro Banz: Bilalang Imba.
Mupuh aabana sampai kasambat,
Mati kaan balamung kan lacut,
Mudah²han jadi kana buat,
Mun hantap indu mamukul 1 pabaik kakal jua ulah malasut..
Bilalang Imba: Nazyrah.
Jaan hayan Buung kadidi
Humbut Luba olih manabang
Jaan luan hantap d puji
Bilalang Imba tu pandai kambang
Nazyrah Mohd Ali:
Jaan bjauu jua klimbang.
Numpng tiksi nda btmbang,
blalang imba jaan luan kmbang,
tkut mltup hding mlabang.
Bilalang Imba: Bro Banz.
Bilang haee caita hantu
Angit bakalahi kan makan tikus
Bukan lagi mamukul Satu
Halat saminit ada mamacul
Melati Bukit: Edris Mamit..
Kan bepaahu mehunjaa sungsum
Anak kesising dilantum gasing
Manis upamu bila tekidum
Bila nguingsing mcam kidum ucing..hehe..
Bilalang Imba:
Apa guna datang ka limbang
Bila inda mbali gaagaji
Apa inda Timbul nya kambang
Sabap puan luan mamuji
Nazyrah Mohd Ali:
Jaan d cabut kaang tpacul,
ada jua btang maitus,
hlat sminit taus mmancul,
atu nma nya mangikung tikus
Bilalang Imba:
Uja mama nyaman bAitus
Langu malaang d huung langan
Ukan lagi mangikung tikus
Macam maang nda ba hamalau
Nazyrah Mohd Ali:
Mkn buah ngmbi a pulau,
buat dukut dai buluh,
mcm maang nda bhamalau,
inda mlkat nda bjuduh.
Bro Banz: Bilalang Imba.
Ngail tangiee baumpankan santul,
Bajajaa jajaa tampak ah hutan,
Mun halat saminit kau mamacul,
Lanjaa minyak kaitamu paadian...hahaha
Nazyrah Mohd Ali:
Tanh atak jln tinja,
tkut hujn bbawa payung,
mnyak mtukak nda ta lanjaa,
sbb nya mkai mnyak snyunyung.
Bro Banz:
Bakabun hantimun d atas gunung,
Malastik buung makai piloo batu,
Mun si Bilalang Imba makai sanyunyung,
Bukan tah ia yang bananang itu..hihihi
Nazyrah Mohd Ali:
Ada dua payung,
satu kayu betataan basik,
bna nyamkai mnyk snyunyung,
tp mnyk tu nda mgasik
Edris Mamit:
Makan nasi baulam bagu,
Kabangkalanan mahunjaa aying,
Hantap asakan nampongi balagu,
Tapi suwaaku saak2 kaing...
Bilalang Imba:
Lauk tangat d masak kayee
Lauk tangiee olih manimbak
Pikee ku hangat nyampak malamaee
Upanya tangahaee hujan mbuabak
Bilalang Imba: Bro Banz.
Hantap banyaknyA c lauk titee
Mun d laut Ayee ba angin
Pasal minyak nda mbaee watee
Asal haut ngompa aah gilin
Edris Mamit: BI....
Titian nyubaang papannya jati,
Aliknya dibuat dahan mangkudu,
Tuan nganya nda mahaati,
Kasihnya umpama aing suam2 kuku...
Bilalang Imba: Edris.
Baaigop andang ku pandai
Banyak ba'aa guguu kalantai
Kasih mangajut inda ku pandai
Macam angin dalum salasai
Bro Banz: BI.
Bubus hatap btambal bata,
Tuun kapasie nyuluh biauku,
Mun ada labih minyak kau kompa,
Tinggal²li jua dih kan aku...
Bilalang Imba: Bro Banz.
Hantap asa ayee kan mbali
Kakas2 hantap la gaan
Bila asa kan minta timggali
Baik tah lakas jaan gayatan
Baas Lakatan:
kakas2 hantap lagaan..
hantap asa ayee kan mbali..
baik tah lakas jaan gayayan..
bila asakan minta tinggali....
Bilalang Imba:
BasingAyut aah kulimpapa
Ka asaan galat2tan
Dangki nuut inda mangapa
Jaan saja mangucap akan
Mohd Saiful Rizal Amlih:
Kayu aaa bacabang tiga.
Tangah tangah lantaki paku.
Daie tiga duduk ditanga.
Yg tangah tangah olongan ku.
Bilalang Imba:
Langamit Jan halindagong
Panjang akaA payah d babut
Daee damit sdh ku ngulong
Sdh basaa ngapa d abut
Baas Lakatan:
Buah manggis dihiris-hiris..
dihiris-hiris sampai abis..
biar ku mati d hujung keris..
asalkan dapat perawan bugis...
Bilalang Imba: Baas Lakatan
Lambai2 c Daun jati
D tiup angin daee salatan
Mun nda sampai yg uja Hati
Angoo tah ku Mati buagan
Kadayan Banaa :
Bunga malati baunya wangi,
Di pupol olih si anak kina..
Tujuh lautan dinanangi,
Sudah nyubaang nda dangan guna..
Bilalang Imba:
Kalalatu damit sayapnya
Sikapan taabang ugal
Bila tantu nda dangan guna
Jaan taya diee mamajal
Kadayan Banaa:
Ulaa balilit dihujung dahan,
Sakali matuk taus jaih..
Mun dituut uja paambahan,
Inda majal inda luih..
Bilalang Imba:
Jalaa2 Bahunjaa bakal
Luan pajal inda takaih
Jaan jua luan hantap majal
Takut kaang diee yg Jaih
Kadayan Banaa:
Mana taya pisau balati,
Kan minjam pambuat bubu...
Mun nuut hajat di hati,
Kan bagu'u di sungai labu...
Nazyrah Mohd Ali:
Kayu gharu dai sibu,
pkai nyalai ank bgkutut,
kn bgu'u a sg labu,
apa ilmu yg kn d tuntut?
Bilalang Imba:
Panuh bubu kana bangkutut
Campos ulaa manuhi bubu
Apa kian ilmu yg kan d tuntut
Basaa hajat kasungai labu.
Nazyrah Mohd Ali:
Gunung daik tmpt bjamu,
jaan tkut a tanh lanah,
bna baik mnuntut ilmu.
Asalkn sja mnuut sunah.
Bilalang Imba:
Haik2 bajual jamu
Bajual sampai kasubalah
Baik banaa manuntut ilmu
Jaan saja ilmu yg Salah.
Nazyrah Mohd Ali:
Dai oyak mkn tauhu,
taus bjalan ke mukah,
aku btnya sbb kn tahu.
Apakh jnis ilmu yg salah.
Bilalang Imba:
Hantap Laak sdh paahu
Abis mumut nda ba pahinganan
Aku ani nda jua banyak tahu.
Nganya ndangaa caita dangan.
Nazyrah Mohd Ali:
Laki2 naik paahu,
baikat akn a lihi kuda,
aku ni lg nda bnyk tahu.
Nanga caitak pn alum ada.
Bilalang Imba:
Sukuu dapat naik paahu
Sampai jua diee ka daat
Baik jua kan ngambee tahu
Jaan kaang diee ta jaat.
Nazyrah Mohd Ali:
Dalm jua mhunja beluyan,
tangah2 sgi oyak,
hntp bna uja pedian,
atu th sbb aku btnyak.
Nayan Nahu:
Pagi-pagi tuun ke tamu,
Kan mbali saong suat,
Kalau hidup sudah berilmu,
Bahau bahagia dunia akhirat.
Nazyrah Mohd Ali:
Lauk salap dlm paahu
bcmpu jua dgn lahia,
mnta maap aku kn tahu.
Apa ilmu yg mbwa bhagia?
Bilalang Imba:
Biani ada jua pasan nini
Jaan langu bila ba caita
Aku ani Tuha Jan diee
Ilmu nganya sa basaa Tahi mata.
Nazyrah Mohd Ali:
Jaan diam nda bekata,
tkut nda thu jelama,
spun ilmu sbasa tahi mata,
ada jua kn dkgsi bsama.
Nayan Nahu: Nazyrah M.A .
payah sudah mahunjar kulat,
gulai saja buah peria
Jangan dengki jangan khianat
Barunlah hidup rasa bahagia.
Nazyrah Mohd Ali: Nayan nahu.
jla jala si buah duyan,
bla nda luih jaan mnyamal,
baik bna pngajaan padian,
akn ku tuntut akn ku amal.
Nazyrah Mohd Ali:
Liat jua puhun klapak,
di tuangi dikit cuka,
rehat th sja nda mngapak,
kta b pantun skada suka.
Bilalang Imba:
Kakabun mamungut binjai
Bakas mbuat kalang2an
Kita ba pantun ba amai2
Sambil ba lingas ba paadian.
Bro Banz:
Buung bubut duduk ah bangku,
Abus paiya sapak mangkudu,
Ndaku tabubut lagi mangampun tahku,
Abis taya pantun²nanku..
Bilalang Imba:
Buah kaas bila d balah
Ia tah pakah c buah Laak
Jaan dahulu lakas Mangalah
Habaanya pantun mu malima taak.
Nazyrah Mohd Ali:
Ambi upih buat timba,
pkai ngaut dkit bajak,
bna uja blalang imba,
kta bpntun blingas sjak.
Bilalang Imba:
Kayu angas buah handuduu
Kadua2 jaan d pamain
Buat balingas kita bahibuu
Salajuu taitu kita bamain.
Nazyrah Mohd Ali:
Jaan d babat sibuah labu,
pkai ngias bnga slasih,
sama2 kta behibu,
dpt jua mngikat kasih.
Bro Banz: BI.
Gulayan matah basapak paak,
Pisang baangan takana pukat,
Dhulu tah kan malima taak,
Ajung²gan pun kakal tamuat.
Bilalang Imba:
Daun salasih asanya kalat
Damanya jua ia kan kuah
Bila kasih Kamas d babat
Sampai kandila inda tabuah.
Bilalang Imba: Bro Banz.
Ada pintu c pintu kaca
Usai2 bila mambuka
Jaan camatu ko ba uja
Mbaee Mangaai c aing mata.
Bro Banz Bilalang Imba:
Nanam saai ba'incit²,
Tabowi baja makanya kuntan,
Mun mangaai nganya baik jua dikit,
Jaan saja manyuak mcm aing hujan.
Bilalang Imba:
Ada mpalam dua satangkai
Kan ku patah nda kasampaian
Daee d malam sdh mangaai
Sampai ba 'ah sdh Halaman.
Mohd Saiful Rizal Amlih:
Makan tampoi jaan ditalan.
Mangkali kaang mayahi diee.
Syukoo tah mun tuun hujan.
Nda jua hangat mamanjang haie.
Bilalang Imba:
Angan2 kan masak kayee
Lauk masin lauk bakalang
Pikee ku hujan sampai malamaee
Ku sambut Jan bisin taduh tia polank.
Mohd Saiful Rizal Amlih:
Kamana kiyan tujumu laie.
Sipun jua bajumu damal.
Andang maitu sikapnya aie.
Mun disuuh mudah manyamal.
Bilalang Imba:
Jaan taya luan d Makan
Takut kaang ko katulangsn
Jaan taya d maah akan
Sdh nyatu hatuan Tuhan.
Mohd Saiful Rizal Amlih:
Basah baju sampai dipaah.
Daie hujung sampai ka pangkal.
Hantap inda ku baani maah.
Apatah lg saaba manangkal.
Bilalang Imba:
Hayan banaa ku Malihati
Owang bananang daee kuhala
Jaan banaa kan d Cubase
Ada kaang naima bala.
Bilalang Imba: Paadian2 samuha..
KALI ANI LAIN TANGGA KU
TANGGA BASI TAKUT KU LIKIN
KALI ANI LAIN TANYANGKU
CAKAP KAH KAMU MINJAMI KINGKIN!
KAN KATAMU MBALI SATOKIN
MBALI GALANG JAN KALAKATI
CAKAP KAH KAMU MINJAMI KINGKIN
BILA HILANG NYAWA PANGGANTI.
September 15 at 9:54am
Adee Putra:
Uja nini tuala tu cukin...
Cukin kan pakai basahan...
nganya kn minjam kingkin..
Asipun tia kinkin batatah intan...
Adee Putra:
Ambilkn ku sadaman pulaie...
Ulah ku nyahan bayung kalakati...
Banyak kingkin basaung jaie...
apa asbab hilang nyawa panganti...
Bilalang Imba - Adee Putra:
Taimakasih daun kaladi
Hujan tuun mangaai2
Nda olah nda nyawa jadi pangganti
Nda banyak usin pakai ku mbaai.
Pupuh kutin aah pantaan
Kutin d himpun bulan puasa
Jaan tah kingkin ba tatah intan
Cukup tah saja kingkin suasa.
Adee Putra:
tabasan ku hubi manjala...
sikaap gatah alum babankit..
Jaantah ingau asal babaya...
dapat jua kakal guna kad kredit...
Nazyrah Mohd Ali:
Bnyk buidis mta nya kudak,
bla djual nada haagak,
suasa abis amas nda adak.
Yg tggl ngnya kingkin tambagak.
Adee Putra:
Bangis sungguh batu galiga..
basaung kinkin jadi pitua.
bila abis amas tambaga...
aka baha pun dapat jua...
Bilalang Imba:
Ku buat lakaa bamban ku anit
Labih2an pangangit Aban
Mun akaa bahaa baik Jua dikit
Jaan saja akaa bilaan.
Nazyrah Mohd Ali:
Buung ppit si tangkalupak
uwng bugis mkai salipa
aka bahaa nda ku tjumpak
aka tigis bauci balampa.
Bilalang Imba:
Akaa tigis Pakai panjalin
Ada kalupis sapuluh gantang
Mun nda ada Pilihan lain
Taima saja apa yg datang.
Nazyrah Mohd Ali:
Sg kmana bnyk duyan
dbwa dgn dai blaga
hntp ujamu pdian
bsuku sj apa yg ada.
Bilalang Imba:
Takukuu taabang tinggi
Kampa2 dalum Bataloo
Basukuu Kita pada illahi
Samuha atu sdh d hatuu.
Nazyrah Mohd Ali:
Dai balaga ke sg uban
bjau lg taus ke pusak
jaan d lwan htuan tuhan
tkut d ahiat diik binasak.
Bilalang Imba:
Jalan2 ka pandaruan
Jalan Makai kasut Bakilat
Jaan banaa baani malawan
Bila nda ada akan panyilat.
Nazyrah Mohd Ali:
Tingi2 si daun silat
tapiit jua btg maakak
nda ada ilmu dpat kn nyilat
mlwan tuhan ttap naakak.
Bilalang Imba:
Bakas bausah sakit nya bahu
Inda olah lagi kakadai
Bila sdh tahu damiatu
Jaan tah kita kan Pandai2.
Nazyrah Mohd Ali:
uat lksa buat cacahan,
buat cacahan isinya lintah
amun asa tkutkn tuhan
tuuti sja sgla paintah.
Bilalang Imba:
Tangah malam malatuk pintu
Ngantat suat, suat kieeman
Dalam banaa ilmu mu atu
Dapat Jadi contoh taladan.
Nazyrah Mohd Ali:
Buah kuini kakl bjamu
tukupi pkai smba bagangan
aku ni jlama pling nda ba ilmu
caita ku atu caita dangan.
Adee Putra:
hantap jaih ulih ba amu...
inda kaing salua malutak..
hantap baiisi pantun kamu..
takidum ku sawang tatawa malakak...
Bilalang Imba:
Mbawa Taap kan ka Maapok
Jaan Lupa c asam Jawa
Jaan tah ko kan batapok
HuJung2 kasubukan jua.
Bilalang Imba - Adee Putra:
Jalan laju inda nahantak
Lagi laju mun ayee malam
Jaan ko luan malakak
Ko atu tah lagi dalam.
Nazyrah Mohd Ali:
Bsa bna plnduk napuk.
Ulih ku nimbak a tnah atak
apa th jua yg kn d tapuk
atu yg bana atu yg nyatak.
Bro Banz:
Salman Khan malihat katun,
Mahadap tibie makan kalupis,
Tahan jua kamu bapantun..
Sampai ani dalum taya abis?
Adee Putra:
ukan pantun subaang pantun...
pantun di kaang ibu-ibuan...
syuku taitu dpt badudun..
pantun padian hantap mahibukn...
Nazyrah Mohd Ali - Bilalang imba:
dlam bldi smba bgangan,
taus dbuat dlm lasung,
jaan th kan muji dangan,
ilmu sandiik tiggi manggunung.
Bilalang Imba:
Naik kuita akan katamu
Uja Hati kan mbali gulayan
Tadangaa Caita baluih ilmu
Cam Aku ani nda ba pandangaan.
Nazyrah Mohd Ali - Adee putra:
samak sudh ku lhat kabun
kubuat api nda ba bara
sma2 kta bdudun
sma bhibu sma b gmbira.
Bilalang Imba - Bro Banz:
Lauk palayak baee basia
Hambuu katumbaa lauk salipaa
Hantap banyaknyA pantun basia
Ba puloh taak sampai malimpaa.
Nazyrah Mohd Ali:
Ada dua bunga ksturi,
ada stu dlm jambangan,
jaan luan mrndah diri
ilmu tg ada tu dbhagi akn.
Bilalang Imba - Nazyrah:
Daee mahiee mambali jamu
Datang Kaumah taus mancuba
Mana kan diee baluih ilmu
Sabatah2 nya diam d Imba.
Bilalang Imba:
Bakabun Sama Bakabun
Bakabun Nanas bakabun Taap
Sama2 Kita bapantun
Salajuu balingas Salajuu bagalap.
Nazyrah Mohd Ali - Bilalang imba:
mlmaie babuat timbak,
pkai ngaut aing sagilin,
siapa baanik diam a imbak,
tmpat ba hantu jua ba giin.
Adee Putra - Nazyrah:
asipun amai badagang tamu...
ada sadikit yang bajual jamu...
auoo..padian luus ujamu..
sambil bahibu nambahi ilmu ...
Bilalang Imba:
Kasubalah mahaga nini
Basah baju hujan manyiam
Nda olah Inda baani
Nda ada lagi kan tuju diam.
Nazyrah Mohd Ali:
Lakat pakuk phun kuini,
pkai ngubati sakit gigik,
ngaku jua ia baanik,
atu tnda nya ba ilmu tinggik.
Buah taap buah kuini,
bauh duyan jaan d lakak,
mnta ku maap mngundu diri,
kakal ku ggau driba mtukak.
Bilalang Imba - Adee:
Sama2 manjamuu kain
Kain basahan jaan kalupahan
Sama bahibuu sama bamain
Bagalut balingas ba paadian.
Adee Putra:
Aku ani umpama Dian...
naangi bayang dalam caamin...
asipun jauh duduknya padian...
dapat manjalin siraturrahim...
Nazyrah Mohd Ali:
Buah ciri a puhun garu
ku cmpu limau jdkn tubak
dtg ku lg mnchaik guru
kn nuntut ilmu a bilalang imbak.
Bilalang Imba:
Buah duku nda mbaee langu
Banyak makan mbaee sakit paut
Aku ani Inda ba ilmu
Inda jua ada yg kan d tuntut.
Nazyrah Mohd Ali:
Buah lda buah pidada
dmkn ulih si bawang,
nda ptut nda ada ilmu d dada
baani diam a imba sawang.
Bilalang Imba:
Njuluk buah buah baangan
Luih sabigi kan ulam makan
Apa inda hidup tungalan
Nda dangan iski akan bakawan.
Nazyrah Mohd Ali:
Mlihat tibi a tibi satu,
mlht jua si paku lawang,
hntap ni luan nsib mu atu,
tahn blangai hdup manyawang.
Adee Putra - BI:
Kain yang buuk jaan di buang....
jadikan panyapu si aing mata...
Jauh hatingku padian tabuang..
Baik tah bahunja binalo Linta...
Nazyrah Mohd Ali:
Binalo Linta tumbuh di puhun...
samakin suga jika di hiasi...
Hidup manyawang mbaie santun...
Banyak ilmunya yang mangaasi...
Bilalang Imba - Nazyrah:
Bawah umah tikus ba saang
Takana hujan Samuha laee
Nda olah Inda tahan manyawang
Dangan nda iski bakawan diee.
Bilalang Imba - Adee:
Angas ani ambile dahulu
Sdh mumut nampaai sdh
Puas sdh numbee binalu
Kaangani hanyut takana ba'ah.
Nazyrah Mohd Ali - Bilalang imba:
Kayu d balah basi di kiki,
ada tmpuyak dmkn blatuk,
apa th gya dgn kn iski,
diam sawang a imba ba hantuk.
Bilalang Imba:
Diam aah Imba siauu tungalan
Ba umah aah hujung pauna
Jalama inda iski ba kawan
Hantu nganya Sanggup naima.
Ronnie Cdek:
Siau tungalan inda bakawan,
Punduk saoang diluaa pantaan,
Jalama kaang ani milih kawan,
Ada yang malihat haata kabandaan...
Bilalang Imba - Ronnie:
Nakal banaa bila mahintu
Mbaee banapsu bila ayee makan
Kakal jua ada jalama camatu
Sampai kaangani kakal kabanyakan.
Edris Mamit:
Liau Salih manumpang kaita,
Bininya ngidam kan makan mangga,
Ukan bana aku yang milih haata,
Padian yang kaya galatku mahaga...
Ronnie Cdek:
Ka kadai mbali pintu,
Kan manukaa pintu binasa,
Taima saja mun kanmahintu,
Pahala batamba bakuang dosa...
Adee Putra:
Baik aka tigis daie bilaan...
pakai pangikat jua pahatu...
bila luan hidup tunggalan..
batihang ajai pamantung pintu...
Bilalang Imba - Edris:
Puhun paku lantak aah kayu
Malantak dinding ba kaih2
Sipun Aku hantap galat ku
Nda sabanding diee ani Jaih.
Bilalang Imba - Ronnie:
Malas jua kan mbali paku
Baik polank mbali luan
Malas asa kan mahintu
Takut kaang kana galapkan.
Bilalang Imba - Adee:
Kalat kakal c buah binjai
Gatah ta sayee mambaee undu
Ukan lagi batungkat ajai
Muku2 aah banee kayu.
Ronnie Cdek:
Mancahaie puhun daun binalu,
Kan pangubat sakit kepala,
Jaan galat sipun supankan mahintu,
Susah sanang bapadian dapat pahala...
Edris Mamit - Bi:
Makan oti paun bahinti kaya,
Luan lagaan makan badii,
Ukanku maah padian yang kaya,
Dii miskin taasa andahnya dii...
Bilalang Imba:
Jalan2 bahunja kumala
Sdh tajumpa baat d angkat
Angan2 luih pahala
Tapi dosa polank yg dapat.
Bilalang Imba - Edris:
Andang nya Aku galat2tan
Bila tahu paadian tu Kaya
Supan ku ngakun ia paadian
Takut kana ucap manumbee nganya.
Edris Mamit:
Pajah kaan batunu dian,
Hantap patangnya mbaie paning mata,
Mun miatu jua asa padian,
Nda salah bida sama tah kita.....
Tainun Puasa - Ronnie Cdek:
Maang candung bayung piawan
Pilihi umpan jaan dilupa
Memang ada yg milih kawan
Milih haata jan memilih upa.
Edris Mamit:
Minum aing tataulih taulih,
Nda tatagok mun sakali,
Mun tabuat aahku nda olah milih,
Upa kuang haata apatah lagi..
Ronnie Cdek - Padian Tainun...
Maang candung buat pangali ubi,
Ubi ditunuh dikaie nyaman asaa,
Upa kuang biaa baik budi,
Haata tiada bia baik bahasa..
Ronnie Cdek - Padian Edris..
Minum aing iski aing janadin,
Nyaman asaanya dicampuu susu caie,
Jaan dipaduli upa lihat pada batin,
Haata tiada jaan dilihat pada zahie...
Bilalang Imba:
Bangis hantap kain d tanun
Daee hujung nyampak ka pangkal
Banaa hantap uja mu Tainun
Inda lagi dapat d sangkal.
Bilalang Imba - Edris:
Uja mama malam bahantu
Buung tu'ak taabang tinggi
2x5 jua Jan Aku
Opa duhak Jaih tah lagi.
Edris Mamit - Ronnie..
Makan takuyong basama salisip,
Jaan lupa buatkan cacahnya,
Tasanung jua mikiikan nasip,
Tapaksa picaya Qada dan QadarNya...
Bilalang Imba - Edris:
Jaan d sasal kapada TUDUNG
Sipun balipat nganya aah kaban
Jaan d sasal nasip Jan UNTUNG
Bila nyatu suatan badan.
Edris Mamit - Bi.....
Salah jalan misti batanya,
Jalan ditunjukkan nda batampat,
Sukoo tah jua jadi hambaNya,
Maluah ka dunia cukup basipat...
Bilalang Imba:
Buang takukuu nda makan Lada
Sipun banyak Lada d hambuu
Sukuu taitu mana yg ada
Samuha atu sdh d hatuu.
Edris Mamit - Bi.....
Dai hasil mulih ka asal,
Lagu biani kakal batauhan,
Nda KUASA bana bila disasal,
Andangnya jua hatuan Tuhan...
Ronnie Cdek:
aik paahu nuju kasabaang,
Mahunja lukan takuyung hisap,
Jaan dipikie jaan dikanang,
Amalan jua yang dihisab...
Edris Mamit:
Banaie zapin sangal di tundun,
Ditawaakan baba cnyonya,
Baik jua waisku nda manuun,
Putaa putiiku baik tatahnya...
Edris Mamit:
acaita jua salajo tah makan,
Ada lauk abus tanggie,
Nda bana dapat luan dikanang,
Banyakkan baistigfaa nyadaakan dii...
Ronnie Cdek:
Piasau tuha ambil santannya,
Santan dimasak babaas pulut,
Memang sudah takdie daienya,
Baistighfa tanang pikian bakulut...
Bilalang Imba - Ronnie:
Mbuat lakaa tauh aah gian
BalangA guguu bunyi nguintang
Banaa jua jamu paadian
Badoa Basukuu Jan sambahiang.
Ronnie Cdek - Padian BI...
Makan nasi ayam kicap,
Sate ayam jan katupat,
Astaghfirullah Alhamdulillah hagut diucap,
Syukuu nikmat mandapat rahmat...
Nayan Nahu - Ronnie Cdek:
Anak bauk memukul gandang
Gandang dipukul takana gigi
Biar buuk dilihat dangan
Asalkan kita baik hati.
Ronnie Cdek - Padian Nayan Nahu:
Pulut panggang inti kelapa,
Intinya bangas sakit hati,
Baik hati tidak akan dilupa,
Akan dikanang sampai ka mati..
Nayan Nahu - Ronie Cdek:
Anak bauk duduk di tengah
Babaju sampang babalah dua
Hancu badan dikandung tanah
Budi yang baik kna kanang juaa.
Ronnie Cdek - Padian Nayan Nahu:
Takidum itu ibadah mulia,
Owang malihat sanang hati,
Babudi bahasa amalan di dunia,
Kan bahata kita sasudah mati..
Nazyrah Mohd Ali:
Buah ubi tepi paya,
pisang jerenang d kerat2,
buat budi serata dunia,
biar d kenang spnjang hayat.
Sakian..
Wassalam.
#Kadayan Banaa - Mutik-mutik pantun#
